Motivational Autobiography Of Guru Govind Singh
Motivational Autobiography Of Guru Govind Singh
 |
| Guru Govind Singh JI |
Aaj me unke
bare me likhne ja rha hu jinse muje bahut badi inspirational mili hai.Or vo
shaks koi or nahi dasmer Pita Guru Govind Singh Ji hai. Jo ki sikh samuday ke
dasve Guru hai.Me aaj aap sabhi ko unke bare me bataunga ki kese unhone ne apne
pure jivankal me anyay ke khilaf ladai ladi.Or sath me unke charo putra ke bare
me bhi bataung ki kese unhone apni pita ki rah par chalte apne aap ko balidan
kar diya.
Guru Dev ji ka Janm
Guru Ji ka
janm 22 December 1666 ko Bihar ki Rajdhani Patna me hua tha.Yeh navmi patashahi
Shree Teg Bahadur ji ke putra the.Inki Mata Ji ka Nam Gujari tha.Bachpan me sb
inhe Bala Pritam Kahte the. Inke Mama inhe dekhkar parmatma ko yad krte the
tatha ve ihne govind kahkar bulate the tabhi unka name Govind Ray pada.
Jab Patna Choda
Guru Teg
Bahadur ji ne sandesa bheja ki pariwar ke sabhi log Aandpur Sahib aa jaye to
Bala Pritam Sahit sabhi pura parivar khush hua kintu unke mitra or vha ke rhne
wale bahut dukhi huye or rone lage tabhi Bala pritam ne unse kha ki ve unse
milne aate rahenge or vha se nikal pade.
Unhone pahla
padav Dhanpur me dala jha ek budiya mai
rahti thi jisne ek bar handi me Guru Tegbahadur ko khichdi banakar
khilayi thi.Bala pritam ne budiya mai ke darshan kiye or unse usi handi me
khichdi bana kar khilane ko kaha yeh sunkr budiya mai bahut khush huyi or usi
handi me Bala pritam ko khichdi banakr khilayi.
Aaj vha par
ek Gurudhvara bana hua hai jiska name aage chalkar Gurudhvara Handi Sahib hai.
Iske bad ve
lakhnor pahuche vha pr bhishan shah ne unke darshan kiye or ve aanandpur Sahib
aa gaye.Yha aakar unhone apne pita Guru Teg Bahadur ji ke darshan kar unse
aashirvad liya.
Aanandpur
Sahib sahitya Jagat ka ek adbhut Kendra tha.Dur dur se lekhak or sahityakar yha
aate the or yha aakar shahitya ki rachna karte the. Sun 1689-1699 tak aanandpur
Sahib sahitya jagat ka Roshan-E-Chirag bana rha.
Guru Govind Ray Ji ka vevahik Jeevan
Guru Govind
ji ke teen vivah huye hai.
Unka pehla
vivah Lahore nivasi Shreeman Harijas Ray ki beti Jeeto Ji ke sath Aashad ki 23
savant 1734 me hua.
Guru Govind
Sahib ka dusra vivah Ramsharan ki putrid Sundri ji ke sath vaishakh ki 7 savant
1741 ko Aanandpur Sahib me hua.
Unka Tisra
vivah Jeslam ke gav ruhlas ke nivasi Bhai Ramu Khatri ki putrid Sahib Devi ke
sath vaishakh ki 18 savant 1757 ko hua.
Itihaskaro
ka manna hai ki Guru Dev ji ka keval ek hi vivah hua tha vo bhi Jeeto ji ke
sath.Veh kahte hai ki jeeto ji ek hi thi Jeeto unke mayke ka naam tha or Sundri
unke sasural ka naam tha.
Guru Shaheb Ki Santane:-
Guru shahib
ki Char santane thi inkr bare me details me padne ke liye unke nam pr click
kare
Punch Pyare
Jin panch
siko ne guru shaheb ke samne apne shish prastut kiye the unhe Guru sahib ne
punch pyaro se smmanit kiya.Aaj jb bhi ardas hoti hai in punch pyaro ko jarur
yaad kiya jata hai.
Yeh punch
pyare bharat ke alag alag pranto se sambandhit the:-
1.Bhai Daya
Singh
2. Bhai
Dharam Singh
3.Bhai
Mohkam Singh
4.Bhai
Shahib Singh
5.Bhai
Himmat Singh
Chamkaur ka yudha
Jb shaahi
sena ko yeh pta chala ki guru govind singh or unki sena ne chamkaur shahib
pahuch kar ek gadi me thikana bna rakha hai to usne gadi ko charo or se gher
liya.Us samay Guru shahib ke pass keval 40-50 sainik hi the jabki dushmano ki
sankhya lakho me thi.
 |
| Battle of Chamkaur Shahib |
Isse sikha
sena ke hosle tute huye the parntu huru shahib ne unhe hosle bandhte huye kaha
ki:-“chinta ki koi baat nahi hai tum sachche Khalsa ho or eke k suchcha khalsa
Sawa lakh ke barabar hota hai agr viswas nahi hai to yudha kr ke dekh lo phir
dekho tum dushmano ki sena ka vinash krne me kis tarah kamyab hote ho.”
Guru Shaheb
ke vachan sunte hi sikh josh me aa gaye unhone dushman ki sena par goliyo or
tiro ki barsat kar di.Dekhte dekhte hajaro dushman mot ki god me sama gaye yeh dekhkar
to sikh sena ka josh or bad gaya or ve dushmano ki sena par kahar ban kar tut
pade.Shahi sena hairan or pareshan ho uthi.Bade bade senapati apni sena ki
halat dekhkar dang reh gaye vo khud aage aaye or yudha karne lage,unhe aage
aata dekh Guru shahib bhi aage or unhe maut ki nind sula diya.
Aant me
shahi sena ne gadi ka mukhyadvar todne ka fesla liya to Guru Shahib ne apne
panch sainik us or bhej diye.Jb veh shahid ho gye to unhone panch or bhej
diye.Is prakar Guru Shahib ki sena shahid hoti chali gayi keval panch pyare me
se tin or Guru shahib hi bach paye.
Punch pyaro
ki aagya anusar Guru shahib Bhai Daya Singh,Bhai Dharm Singh,Bhai Man Singh ke
sath kile se bahar aa gaye or chalte chalte Machhivade ja pahuche vaha veh Gulab
Chhatri ke ghar me ruke.Vha se ve vidas hokar raykot ja pahuche.Jaha Guru
Shahib ka ek muslman bhakt Bhai Raykala rehta tha.
Guru sahib
ke kahne pr bhai Raykala ne apne nokar Nure ko sarhind bheja ki ve vha Mata
Gujri or dono chhote Shahibzado ki khabar laye.Nura vha se gaya or jaldi hi lot
aaya.Usne bataya ki guru shahib ke dono putra shahid ho chuke hai or unka hal
sunkar mata gujri bhi parlok sidhar gayi.
Ek sikh
Dodarmal Mataji ka antim sanskar bhi kr chukka tha.Yeh sunkar Guru Shaheb ke
chehre par param shanti ke bhav chhaa gaye unhone is baat par khushi or santosh
vyakt kiya ki unke dono chhote bête marte dam tak apne dharm par atal rahe the.
Guru Shaheb par dhoke se war:-
Orangjeb ki
martyu ke bad Bahadurshah Jafar naya badshah bana.Usne vastvikta ko smja or
guru shaheb ka bahut samman kiya.USne aagra me guru Shahib ko aamantrit kiya or
unhe ek kimti khilayat pradan ki.
vajeer Kha
jo sarhind ka navab tha jisne Guru Shahib ke dono chhote beto ko diwar me jinda
chinwa diya tha.Guru Shahib or naye badshah ki mitrata ko dekhkar darne
laga.Veh sochne laga ki yadi Guru Shahib ne uski Badshah se shikayat kar di to
use dand milega.Isliye usne Gulkhan nam ke ek pathan ko guru shahib ko dhhoke
se mar dalne ke liye bheja.
Ek din Guru
Shaib dophar ke bad aaram kar rahe the.Moka dekhkar Gulkhan ne kheme me guskar
un pr chhure se do bar aakraman kiya.Guru ji ne tatkal apni talwar nikali or
gulkhan ko usi samay mar dala parntu Guru Shahib ko bahut gehre jakhm lage
the.Jb badshah ko is baat ko pata hla to usne kuch angrej doctor bheje,jinhone
inke ghawo ko achchi tarah se bhar diya tha or dawaiya di thi.
Kuch dino
bad we thik lagne lage or dur-dur se aai sikh sangat ko pahle ki tarah updesh
dene lage.
Jab aant samay aaya to:-
Guru Shaheb
ke kuch hi din shantipurwak gujre.Ek din Guru Shahib kb dhanush ki Kaman
khichne lage to unke gaw fat gaye the.unhone apna aant samay nikat aata pratit
hua.unhone sari sikh Sangat ko nikat bulaya or kaha mere marne ke sath hi guru
kaal smapt ho jayega.Bhaisya me sampuran Khalsa hi Guru hoga.”Granth Shahib” ko
hi apna Guru manna.
Isme diya
hua parmatma shabd hi bhavisya me aadhyatmik guru ka karya karega.
Uske bad
guru shahib ne “Granth Shahib” kea age panch batashe or ek nariyal rakh kar
matha teka or punh sangat se kaha:-“Aaj se Granth Shahib ko Guru Granth Shahib
kahna.Jo prabhu kop rapt karna chahega veh Guru Granth Shahib me diye huye
shabdha ke abhyas se prapt kar lega or Bhawsagar se paar ho jayega.Jo Guru
Granth Shahib ke darshan karega use Guru Shahiban ke bharpur darshan honge.
Iske bad 7
Oct. 1708 ko prat kal Guru Govind Singh Ji is nashwar sansar ko tyagkar
parmatma ki param jyoti me vilin ho gaye.
Ve ek Yuva
yogi,Param-Sant,Veer Sipahi,Uchcha koti ke Kavi ek krantikari Neta or kushal
netratva karne wale senapati the.
Guru Govind
Singh Ji ke sath hi Sikha Itihaskar ka guru kal bhi smapt ho gya.Aaj bhi ardas
Guru Shaheb ke aadesh wale is vakya ko padte hai jis me unhone Granth shahib ko
Guru manne ka aadesh diya tha:-
“Aagiya Bhai Akal Ki,Tabhi
Chalayo Panth,
Sabh Sikhni ko hukam hai,Guru
Manio Granth,
Guru Granth Ji Maniho,Pragat
Guram Ki Deh,
Jo Prabh Ko Milbo Chahe,Khoj Shabad
me leh.”
Aant me
Doctor Chandrakant Bali ka Sundar kathan hai:-“ jo bhavuk Surya ki Tejsvita or
chandrma ki shitlata ko ek sath dekhna chahe or jo Agni-Varun ko galbahiya dale
dekhna chahe to Guru Govind Singh Ji ka Jeean Charitra Pade or Dasham Granth Ka
Path kare.
